سندھ حکومت نے لاک ڈاٗن میں جولائی تک توسیع کرچی

کراچی(اسٹاف رپورٹر)سندھ حکومت نے اسمارٹ لاک ڈان میں 15جولائی تک توسیع کردی ہے،سندھ میں تعلیمی ادارے 15 جولائی تک بند رہیں گے ۔ محکمہ داخلہ سندھ نے لاک ڈاءون میں توسیع کا حکم نامہ جاری کردیا ۔ محکمہ داخلہ سندھ کی جانب سے جاری نوٹیفکیشن میں کہا گیا ہے کہ 15 جولائی تک صوبے میں لاک ڈاءون رہے گا ۔ کورونا کا پھیلاءو روکنے کیلئے سندھ حکومت کے اقدامات کا تسلسل جاری ہے ۔ صوبے بھر میں لاک ڈاءون کی پابندیاں برقرار رکھنے کا فیصلہ کیا گیا ہے ۔

محکمہ داخلہ سندھ کے نوٹیفکیشن کے مطابق صوبے بھر میں تعلیمی ادارے، ٹریننگ انسٹیٹیوٹ 15 جولائی تک بند رہیں گے، بیوٹی پارلرز، بیوٹی سیلون پر پابندی برقرار رہے گی ۔ نوٹیفکیشن کے مطابق سیاسی، سماجی، مذہبی، عوامی اجتماعات اور تقاریب پر بھی پابندی ہوگی ۔ اسی طرح لاک ڈاون کی پابندی کا اطلاق شادی ہالز، بزنس سینٹرز، ایکسپو ہالزریسٹورنٹ بندپر بھی ہوگا ۔ نوٹیفکیشن میں کہا گیا ہے کہ سینما گھر، تھیٹر، تفریحی و سیاحتی مقامات، انڈور اسپورٹس کلب، جم، کھیلوں کے ٹورنامنٹس پر پابندی بھی برقرار رہے گی، جبکہ مزارات پر اجتماعات کا انعقاد بھی بدستور ممنوع ہوگا ۔ اس کے علاوہ بین الصوبائی پبلک ٹرانسپورٹ پر 15جولائی تک پابندی عائد کی گئی ہے تاہم شام سات بجے تمام دکانیں بند ہو جائیں گی ، ہوم ڈیلیوری رات11بجے تک کی جاسکے گی ۔